نخستین محموله ۳۰۰۰ تُن کمک‌های بشردوستانه تاجیکستان به ننگرهار رسید

مقام‌های محلی در ننگرهار اعلام کرده اند که نخستین محموله از کمک‌های بشردوستانه تاجیکستان، شامل ۳۰۰۰ تُن مواد غذایی و غیرغذایی، برای آسیب‌دیدگان زلزله در ولایت‌های ننگرهار و کنر، امروز (یکشنبه) به شهر جلال‌آباد رسید.

در مراسم تحویل‌دهی این کمک‌ها، سعید شریفی، سفیر تاجیکستان گفت که افغانستان و تاجیکستان دارای پیوندهای قومی، مذهبی، زبانی، فرهنگی و تاریخی مشترک‌اند و ابراز امیدواری کرد که روابط میان دو کشور در زمینه‌های گوناگون بیشتر گسترش یابد.

در همین حال، عزیزالله مصطفی، معاون والی ننگرهار، از دولت و مردم تاجیکستان به خاطر کمک‌های‌شان در بخش مواد ساختمانی، خوراکی و غیرخوراکی برای آسیب‌دیدگان زلزله سپاس‌گزاری کرد. وی تأکید کرد که افغانستان و تاجیکستان دو کشور مسلمان با مشترکات فراوان هستند و مرزها نمی‌توانند این پیوند را جدا سازند.

گفتنی است که کمک‌های ارسالی تاجیکستان شامل ۳۰۰۰ تُن مواد می‌باشد که با ۱۲۰ لاری به افغانستان انتقال داده می‌شود که از این میان ۹ موتر به شهر جلال‌آباد رسیده‌اند.

این کمک‌ها شامل سمنت، سیخ گول، تخته، خیمه، کراچی دستی، برنج، بوره، روغن، قیماق، مکرونی، آرد و سایر اقلام مورد نیاز می‌باشد.

در همین حال، عزیزالله مصطفی، معاون والی ننگرهار، از دولت و مردم تاجیکستان به خاطر کمک‌های‌شان در بخش مواد ساختمانی، خوراکی و غیرخوراکی برای آسیب‌دیدگان زلزله سپاس‌گزاری کرد. وی تأکید کرد که افغانستان و تاجیکستان دو کشور مسلمان با مشترکات فراوان هستند و مرزها نمی‌توانند این پیوند را جدا سازند.

گفتنی است که کمک‌های ارسالی تاجیکستان شامل ۳۰۰۰ تُن مواد می‌باشد که با ۱۲۰ لاری به افغانستان انتقال داده می‌شود که از این میان ۹ موتر به شهر جلال‌آباد رسیده‌اند.

این کمک‌ها شامل سمنت، سیخ گول، تخته، خیمه، کراچی دستی، برنج، بوره، روغن، قیماق، مکرونی، آرد و سایر اقلام مورد نیاز می‌باشد.

منبع