اخراج شماری از افغانها از تاجیکستان بهدلیل نقض قوانین
خبرگزاری اسپوتنیک تاجیکستان در گزارشی به نقل از کمیته امنیت ملی این کشور اعلام کرده است که شماری از شهروندان افغانستان بهدلیل نقض قوانین تاجیکستان اخراج شدهاند.
بر پایهی این گزارش، این افراد با وجود برخورداری از شرایط مناسب زندگی، کار، تحصیل و امنیت در تاجیکستان، قانونهای تاجیکستان را جدی نقض کرده بودند.
در عین حال، مقامهای تاجیکستان پافشاری کردهاند که بیش از ۱۰ هزار خانوادهی افغان که قاونهای این کشور را رعایت میکنند، بهگونهی عادی و آرام در تاجیکستان زندگی کرده و از امکانهای موجود بهرهمنداند.
بخشی از گزارشی خبرگزاری اسپوتنیک تاجیکستان: « کمیتهی دولتی امنیت ملی تاجیکستان اعلام کرد که شماری از شهروندان افغانستان بهسبب نقض قانونهای این کشور اخراج شدهاند. برپایهی این گزارش، این افراد با وجود برخورداری از شرایط مناسب زندگی، کار، تحصیل و امنیت در تاجیکستان، قانونهای کشور را جدی نقض کرده بودند.»
محمدزلمی افغانیار، آگاه سیاسی دراینباره گفت: «حاکمهای تاجیکستان به ادامهی فشارهای سیستماتیک با ایرانیها و پاکستانیها موضوع مهاجرت را که یک موضوع بینالمللیست آن را سیاسی ساختهاند، اگر بحث نقض قوانین باشد فرد میباشد نی یک جمع زمانیکه بیش از ۲۵۰خانواده را با مشکل روبهرو کردند هدفشان برنامههاییست که برای افغانستان دارند.»
عبدالرازق عدیل، فعال مهاجران، افزود: «راهکار منطقی این است که دولت تاجیکستان میان مجرمها و پناهجویان واقعی تفکیک قایل شود.»
پیشتر، نیز رسانههای تاجیکستانی از گردآوری و انتقال بیش از دوصد شهروند افغانستان از شهرک مهرآباد در ولسوالی جبار رسولاف ولایت سُغد، خبر داده بودند.
آگاهان سیاستگذاری مهاجرت میگویند که افزایش محدودیتها و اخراج مهاجران افغان از کشورهای منطقه، نگرانیها دربارهی وضعیت آینده و سرنوشت این مهاجران را بیشتر کرده است.
مجیبالرحمان اتل، کار شناس سیاستگذاری مهاجرت میگوید: «مهاجران و پناهندگان چی افغان و یا هم غیر افغان در هر کجایی که زندگی میکنند مکلف به رعایت قوانین آن کشورها استند و دراین رابطه هیچ استثنای وجود ندارد، مگر کشورهای میزبان هم اصل فردی بودند جرم را مدنظر بگیرد و از مجازاتی جمعی اجتناب کند.»
با تماسهای مکرر نتوانستیم تا دیدگاه وزارت مهاجران و عودتکنندگان را دراین باره داشته باشیم.
در ماههای اخیر، روند اخراج و محدودیتها دربرابر مهاجران افغان در شماری از کشورهای منطقه افزایش یافته است.
اولین کسی باشید که نظر بدهید on "اخراج شماری از افغانها از تاجیکستان بهدلیل نقض قوانین"